話說 KK 今晚要返工, 而黑俠皇子聽日就要到我家中, 向我父母 "提親" (過大禮才對), 因此 「禮」固之然要準備啦! 就由我 E 一個義工買手一齊去揀禮啦, 至於點解嗌我幫忙? 當然因為我既貌美如花 (買野有著數), 又俠義心腸 (肯幫人) 啦! 「以上純粹講笑啫」。
其實係因為我出名 "數口精" (好聽的叫 "精打細算", 唔好聽的叫 "孤寒"), 仲有的係 "梗係我才知父母的口味同心意" 啦! ( E 半邊仔仲有漫長的時間去學呀!)
黑俠皇子好有誠意, 為左買生果, 專誠先後去左 City Super, Sogo 及 超大間惠康去選購 (全因孤寒的我覺得前兩者真係超級貴, 但唔抵, 而且品種絕對 "唔合" 我父母的口味), 無謂為左 "體面 - 面子" 而浪費金錢 (如果真係 "身痕" 想浪費金錢啦喎! 我唯有 "唔介意" 收 「大封 D」姨仔裙 利是啦!) (都係講笑啫)
你地睇.......City Super 的日本梨幾 o甘 "巨" (幾乎仲大過我隻手掌, 直徑由 "手腕" 伸延至到接近 "第一節的手指關節" o甘長, 仲好重添), 索價 $40 幾蚊, 抵唔抵真係見仁見智啦, 只知道口味似 "食家" 的爸媽 (喜歡一邊食, 一邊 "彈" - "品評") 一向比較 "傳統", 新派的 "日本貨" 唔係佢地杯茶。 希望大家也收到黑俠皇子的果份心意啦!
5 則留言:
在此特別要多謝你的幫助, 真的不好意思, 麻煩到你, 幸好有你幫助, 他才能順利完成這次任務, 既能幫我們慳錢, 又能買到價廉物美的生果, 請不要介意, 我們還有很多東西需要你的幫助, 謝謝!
KK, 唔好O甘客氣啦, 一世人兩姊妹, 我同你.....無計的。
下次要係幫返我也未定呢?? 最緊要你認同我 "貌美如花", 同埋 "俠義心腸" 就得啦, 哈哈哈哈哈哈..............
Big Mac，真的好巨呀！請你不要想入非非，（嘻嘻！）我是指＂你''不！是（梨）才真）若要40多元才一個，的確不是我杯（茶），其實只要你們對我倆老人家的心意，又何須用物品的價值來衡量呢！仔女、媳婦、女婿大家都是一家人，我們只要你們的心意就足夠了。
還有我這個乖孫Henry仔呢？
Cry.......
老頑童/童伴忘了數我，我呷唶。
除非你們請我食個超巨梨，哈哈！
真係見到咁大個都想食，好吸引！
Henry乖孫，不要呷醋！因你年紀還小，不懂得買食物孝敬我倆，不過你的笑容和有趣的動作常逗得我們捧腹大笑，你才是我們的無價寶！
發佈留言