1) 畢業禮袍
2) 畢業典禮入場券 (除了我之外, 只有兩張, 此名額當然係爹地、媽咪架啦!)
3) 臨時學生証
收齊以上物件後, 便極度期待本週日 (10月21日) 的大日子來臨 ── 我的畢業禮, 由於入場嘉賓名額只有兩人, 因此其他家庭成員 (如：哥哥、姐姐、舅父、未來姐夫 及 阿 Be) 一律淪為 "佈景板" (即係當完成典禮後, 大家一齊影相留念)。
自小的心願是讀大學、戴四方帽 (心中經常浮起戴著四方帽和家人拍照的畫面) 奈何小妹資質有限, 要達到 E 個夢想, 似乎有 D 距離及難度 (而家也可當做 "無個橙, 揾個吉" 的心態), 不是學位畢業, 只是高級文憑畢業吧! 希望我的家人也不會失望啦! (尤其是學業成績好的媽媽, 幾位子女也未能繼承佢的智慧及衣砵, 真是 Sorry! 但我地也盡左力架啦!)
如果禮袍的衣領, 多一條顏色邊, 就靚好多了, 影相時也會 sharp (搶眼) 得多呢!
5 則留言:
恭喜姑姐，萬歲！又有得慶祝，去食番餐啦！
Henry 正一 "為食豬", mug 你果日都會來睇姑姐畢業咩? (我想架, 不過怕唔方便 - 山長水又遠)
舅公一早 "認左頭" 同我去食飯慶祝啦, 預埋你?? 無問題, 反正你也只吃 "白飯" 半碗, 濕濕碎啦!
見你咁叻俾啲畢業禮醒目貼士你參考吓:
一般畢業袍都係著恤衫,因為畢業袍係圓領, 有個恤衫邊會靚好多
同埋女仔千萬千萬不要著裙, 一定要著黑色西褲+黑色高爭鞋
因為我有個Friend試過著裙, 我見到佢都唔知講咩好,總之就突左隻腳出來好核突
而畢業袍條顏色帶
有兩個V位, V位短d果個係正面, 長d果個就係背面喇, 記得準備埋扣針呀, 到時可能有用架
星期日一定要同我影多啲相呀!
KK thank you 你的貼士
我打算著恤衫 (粉紅色) + 西褲 + 有踭鞋 (我都見過人地 d 畢業相, 女仔露對腳出來好怪架, 而且我對小腿腳又唔係 "修長" 過人, 正所謂 "獻醜不如藏拙" 了)
不過我件禮袍無顏色帶架, 只係 "黑忟忟" 的一件, 十分平凡及好醜怪的。 唔緊要啦, 我靚咪得 lor。
呵...呵...呵...呵...
恭喜你，盼望這日子終於來臨了，小公主謝謝你邀約我倆做嘉賓，來分享你的喜悅，你一邊工作，一邊進修，我很佩服你的毅力，俗語說：[學海無涯，不進則退]，願以此共勉！
發佈留言