由於早已訂位, 因此被安排坐 "梳化位", 幾舒服啊! 店內的裝修幾特別, 有別於一般的西式餐廳, 算得上似 "外國的風格", 開放式大廚房, 用磁磚砌成的地下, 牆壁上的黑板 (塗滿鴉的) 同埋 昏暗的燈光, 氣氛幾輕鬆, 唯入夜彼漸漸多人, 都幾嘈呀! 傾計時要嗌破喉嚨 (可能星期一至四晚會好一點)
5 點至 8 點係 Happy Hour (開心時光) 時段, 飲品買一送一 (可選不同的款式), 我地點左:
1) 燒大傘菇配芝士: 入口時有一陣燶燶地的燒菇味, 好特別!
2) 麵包配橄欖油紅酒醋 (送的): 麵包唔特別, 紅酒醋酸酸地好醒胃
3) 雜菜沙律配藍醋汁: 藍醋汁令沙律菜倍覺香甜
4) 啤酒魚柳薯條: 唔知點解叫啤酒魚柳, 無啤酒味, 不過魚柳外皮鬆化, 內裏的魚肉軟滑, 而粗薯條有口感又好味
5) BBQ 燒豬仔骨: 幾好味, 肉唔太多, 唔怕太漏
6) 牛油粟米: 幾好味
7) 炒雜菌: 味道唔錯
8) 荔枝意式奶凍 配 黃梅甘吉醬: 奶凍食不出有荔枝味, 不過好軟滑, 而黃梅醬酸酸甜甜夠醒胃
9) 忌廉泡夫 配 雜果朱古力醬: 外貌勁靚, 味道一般
10) 8 杯飲品 (買一送一優惠): 大部份飲品都含 "藥水味", 麻麻地
建議 4-6 人相聚來食飯比較好, 因為人太多會好嘈, 傾唔到計, 而且碟頭不算太大份, 會好難分黎食! 是晚晚餐連加一共 $825 (平均每人 $208)
沒有留言:
發佈留言