烈火 3 之 「勤和拙」

古語有云：「將勤補拙」。有時候, 我覺得未必一定 work (得), 因為天賦亦係一個大因素。

前幾天睇烈火 3, 王喜 向 黃宗澤 講述自己的求學過程, 因為英文根底唔好, 所以幾經辛苦, 才能修畢學位課程。當中王喜更講過：「為左唔想令爸爸失望, 所以佢決定讀一次唔識, 讀十次, 讀十次唔識, 讀一百次, 讀一百次唔識, 讀一千次」黃宗澤 讚揚佢好堅毅。

睇完劇情, 心內有著一絲絲的感動, 因為..........我和王喜的求學過程雷同, 唯一不同的是 "我並不用為家計" 而費心, 十分幸福。 只可惜天資有限, 別人容易理解的數理及英文, 對我卻如 "老鼠拉龜", 加上人越大, 記性越差, 求學時糊里糊塗的應付了考試便算了 (也靠小幸運)。

記得小時候心高氣傲的我常對父母說：「我第日大個要讀大學, 要做醫生、律師，然後養你地」, 那是一個充滿憧憬的「愛的承諾」, 可惜的是 "承諾至今還未能實現", 只能怪自己太漏氣, 做事欠缺計劃 而且 天資又有限 (為人既心散又懶惰)。

於我來說, 努力讀書是為了：

1) 兌現小時候的 "部份" 承諾
2) 我還清楚記得有一次期考成績好, 媽媽爭住去學校取成績表 (和老師面談), 當時她的那一張笑臉令我至今難忘 (平時我地考得差, 通常由爸爸去領取成績表架), 因此我想令佢地高興 (雖然係 "遲來的")
3) 「感情」 和 「事業」並不是 "一分耕耘、便有一分收獲" (當中還要睇個人際遇), 讀書卻是 "你付出多少努力, 就會有多少回報"
4) 懂得更多知識, 從而加強自信心
5) 一旦考取好成績, 享受那一份 "滿足感", 又有借口約齊人去慶功 (食好野)
6) 保持競爭力, 免太快被社會淘汰
7) 唔想 "dum 懶" 個身, 我相信只要一停下來休息 (唔讀書), 之後就唔願再返學考試

最近我發現了一件事, 使我突然感觸, 平日對我進修學業唔著緊的老爸, 某天居然開口問：「你的學位課程還要讀幾耐? 仲有幾多科才畢業呀?」回答佢之後我在想：「老爸一向也不理會我的讀書詳程, 何解今天會o甘問的呢? 唔通佢為我的學業而緊張? 抑或佢關心何時才可出席我的畢業禮? 還是佢年紀大, 擔心身體有毛病, 想我盡快畢業呢?」

希望係我 "多心", 其實我知道父母心中所想, 既想子女成龍成鳳, 亦想佢地活得開心健康! 有時不宣之於口係無謂強加壓力在我地身上, 再者, 明知我地的天份, 強迫又有何用呀? 所以即使修畢學位有多艱辛, 我都想趁年青時嘗試 (因為成績不佳, 路途不夠別人的平坦, 但不打緊, 只要用心去做, 花多些時間一樣可以完成), 那時候........自小的夢想 和 父母的心願又可一起達成了!

就像是遲了 10 年的夢啊! 心內都暗暗佩服自己的堅毅架! 另邊廂卻慶幸自己仍是單身, 不用供車供樓, 也不用養育子女, 否則.......何來o甘多 "閒錢" 去完成夢想? 上天總會在適當的時候, 比一條 "既有而無形" 的路你去行。