起步了

E 一排總係飲飲食食, 尤其是星期六呀, 早上 BBQ 晚上又食海鮮, 加上今個月極少運動, 連跳舞都停埋 (因為和學位課程撞時間), 怕體型肥之餘, 更怕影響健康!

尋日天朗氣清, 終於 "的起心肝" 去屋苑附近跑 「山」 (係小山坡), 跑足半個鐘 (當然係跑o下停o下果隻啦), 想練一下 "氣", 因為秋冬天將至, 我怕天氣又影響氣管收窄, 呼吸會辛苦啊!

我的運動神經又再 "起步了"!!

跑完步, 面色好似 "飲左血爾" 一樣 (面色紅潤, 好鬼 cute 呀!) 今日雙腳某部份的肌肉出現少少運動過後的酸, 証明肌肉真正在運動呢!