叻人

何謂 「叻人」??

要學歷高? 要經驗夠? 要面面俱圓識卸膊? 還是有學歷、有經驗、但會放下身段, 跟大家一齊捱、一齊博呢?

近日的電視劇 "銀樓金粉" 就正正比你睇到以上例子了。秦沛就係經驗夠、面面俱圓識卸膊, 而伍衛國就係學歷高、肯放下身段的那一位。其實佢地兩位各有所長, 不過論民望的話, 當然係無階級觀念同下屬打成一片的較優勝啦! 而獨裁的就比較蝕抵 (但決定夠果斷)。

如果你身邊的 「叻人」學歷高、 經驗一般、對上司面面俱圓、對同輩下屬只會卸膊、絕不會放下身段, 跟大家一齊捱、一齊博呢、只會經常懷緬昨日舊公司的好 (如：坐大房、可差遣別人)、鄙視同事的工作卑微 (濕碎)、不懂尊重別人, 你又會覺得佢如何呢?

其實 "叻" 唔 "叻" 唔緊要, 有無錢亦不是叻唔叻的參考指標, 最重要的是 「品 (德)」, 好多人窮一生也修不到, 別人常說：「發財要立品呀!」(無品的人, 無人願意和佢合作、相處)