深圳一日遊

今早同朋友 M 相約 9:00 在大埔墟火車站集合, 食過早餐後, 便乘火車到羅湖。

過關之後, 我地去了朋友 L 介紹的按摩中心 (位於交通樓 8 樓的廣益子桑拿中心) 接受按摩服務。該店的面積頗大, 環境也算乾淨企理, 技師手勢亦 OK, 我地做左 1小時腳底按摩 + 2 小時全身中式按摩, 總共花了 RMB114 (每小時 RMB38), 額外給予技師小費每小時 RMB10, 埋單也不用 RMB150, 便可享有 3 小時的按摩服務, 尚算唔錯!

之後我地行左去旁邊的羅湖商業城打算度身訂造返工套裝, 可找不到惜朋友介紹的店, 我地便乘地鐵到 "大劇院站" C2 出口。

我地先到朋友介紹的 Tasty (西堤牛排) 店去訂位 (晚餐), 然後再尋小食 (下午茶), 再步行至東門, 可惜今日的東門已經今非昔比了, 好多野你睇得上眼的, 卻 "貴" 得不堪, 售價跟香港的差不多, 甚至有過之而無不及, 算吧!! 當省回一筆!

我地再步行至 "深圳書城", 購買了 3本編織及湯水的書, 也不過是 RMB63, 然後便回到晚飯餐廳晚膳。

Tasty 位於世界金融中心 1樓, 那兒的裝潢很時尚、漂亮, 而推廣的晚餐正是 RMB98 (不設加一) 有七道菜色的套餐 (西式、意式及法式混合的新派菜), 比個餐牌大家睇o下先。

結果我地 Order 左兩客套餐, 包括：

1) 前菜： 意式牛肉簿餅 及 焗烤磨菇配奶油麵包

2) 沙拉： 焗烤海鮮南瓜 及 紅酒醋鮭魚生菜沙拉

3) 湯： 法式牛尾湯

4) 百香雪酪 (無得揀, 類似雜果賓治的物體)

5) 主餐： Tasty 菲力牛排 及 海陸大餐 (烤羊膝及香草魚排)

6) 甜點： 焦糖南瓜布丁 及 黑森林慕絲

7) 飲料： 熱柚香果茶 (類似柚子茶)

晚餐好飽 (D 肉食到有點膩), 味道亦 OK! 抵唔抵就見仁見智啦! 不過試一下就無妨。 今日大約消費左 RMB350 (未計港幣支付的車費及早餐), 享受左一日愉快而無險的深圳一日遊, 多謝朋友 M 的相陪, 我好滿足啊! (尤其是享受按摩 及 我的戰利品 ── 書)