星期五, 9月 15, 2006

小蠱惑 (二部曲) 之 盧山真面






登….. 燈….. 燈….. 櫈….. 今日揭曉小蠱惑 (二) 的盧山真面啦! (見上圖)
「鮮果黑森林蛋糕紙巾套」 是也。

在左邊的是送比 Ching Yi ma 一家的 「士多啤梨黑森林蛋糕 (芒果夾心) 紙巾套」; 而右邊的是送贈朋友 K 的「士多啤梨、芒果黑森林蛋糕紙巾套」

希望大家都鍾意啦!!! 唔知大家有無「望糕止餓」 (抄: 望梅止渴) 的感覺呢?
發佈者： 於
標籤：

3 則留言:

匿名 說...

嘩！個鮮果黑森林蛋糕紙巾套真係好靚呀。

我覺得Ching Yi ma 個士多啤梨黑森林蛋糕紙巾套好多士多啤梨好靚呀，好搶眼呀，仲好sweet添！

而我嗰個士多啤梨、芒果黑森林蛋糕紙巾套就無咁搶，但就比較清。

總括而言，我覺得兩個紙巾套都好靚，因為
你花咗好多心機同時間去整，實在係無價，多謝哂！

唔知 Ching Yi ma 收到e份禮物鍾唔鍾意呢？

16/9/06 6:26 下午
匿名 說...

big Mac 個士多啤梨黑森林蛋糕紙巾套真係好靚呀！多謝哂，真係十分鍾意，仲好過送真的比我(這個可擺放好耐，做紀念)，個d士多啤梨很搶眼，點解你咁叻，我都覺得士多啤梨黑森林蛋糕靚d，可能顏色搶些，不過KK你個都好靚，各有特色，總之我哋萬二分多謝你那份心意。

17/9/06 4:04 下午
Big Mac 說...

多謝你地的讚賞, 難得大家都鍾意, 實在太好啦。

其實今次真係要多謝我公司的清潔姐姐 (楊太) 的意見, 話說當初我將我學勾織的鮮果蛋糕完成品 (見 Big Mac 網誌內 "KK 生日快樂 & 我的小秘密" 一文內附圖) 比佢睇時, 佢話：「Big Mac, 蛋糕靚就幾靚, 不過有d 嘥lor, 只可以睇, 用唔著, 不如你試諗下做唔做到紙巾套, o甘咪有得睇, 又有得用lor。」

之後我就在腦海中盤算緊點樣將楊太的概念化成現實嘞! 全靠佢的意見, 我先至可以成功咋,多謝佢。完成紙巾套後, 我留下圖片比佢睇, 佢又有另一番見解 (不如下次試 "綠茶蛋糕" 呀, 唔駛次次 "黑森林" O甘悶), 佢真係有諗頭喎。 (點解我諗唔到架呢???)

另外, KK 的紙巾套是我 "第一個" 的完成品 (請原諒不太完美), 但 "清清地" 亦算 "好睇" 同 "合格" 啦! (識得在紙巾套內加上 "裡" 及腳內加上 "橡筋", 頗算細心, 加多自己兩分啦!)

Ching Yi ma 果個紙巾套相比之下就真係 "搶晒鏡" 啦! (尤其是 grandma 鍾意紅色呢! 而吉屋入伙亦屬 "喜慶事" 丫ma)

祝願你地兩個, 越住越旺, 時時開心!!!!

18/9/06 11:21 上午

發佈留言

訂閱： 發佈留言 (Atom)