何解題目名為"戥 「爸爸」 高興"?
因為上週日我的整餅課程教授左 "德國黑森林蛋糕", 這是我上蛋糕課o甘耐以來, 爸爸"第一次"試食我的作品咋(除了曲奇餅外), 之前的課堂都是教授"芝士蛋糕", 而爸爸是不吃芝士的, 所以沒有口福了。每次我地在分享我的成品時, 見爸爸只可遠觀, 而不能參予, 我的心總有一絲絲的歉疚, 但又不能強迫佢試食唔喜歡食的東西, 所以今次分 "大份d" 比爸爸補返數。
原來黑森林的蛋糕不難製作, 不過也要買頗多的材料 (尤其是中間一層的"黑車厘子夾心"餡料), 坊間的餅店有的是用 "羅拔臣" 提子味啫喱去代替, 成本低而沒有口感。
ching yi ma 今次有口福了, 因為 ching yi 家姐上完蛋糕課後不用再上其他課, 可以取蛋糕回家比佢一齊分享, 好吃嗎?
我自己認為味道和市面上的黑森林蛋糕分辨不大, 比較喜歡自製的少甜黑森林。但眼見爸爸食到手指都吮埋, 卻令我感到十分欣慰, 姑勿論是否真的好吃, 至少佢肯交足戲去氹我, 在我而言, 梗係開心啦! 下次都會分大份d比佢先。 ^^
*P.S. 附上黑森林寫真一張(好似影得黑了少少)
6 則留言:
今次爸爸終於可參予試食你親手整嘅蛋榚啦，唔知你整餅餘下嘅課程，仲有冇嘢啱佢食呢？
我覺得"德國黑森林蛋糕"味道不錯，可比美市面上的黑森林蛋糕。
ching yi ma 今次真係好，唔駛接ching yi 家姐放學，都可以第一時間試食，係咪好開心呢？
其實我覺得口味一般, 無什麼特別驚喜。
不過眼見爸爸o甘比面 (吮晒手指的食相) 真的真的令我很安慰同埋開心 (因為我老爹也頗刁咀的, 不好味不吃)。
真係唔知是蛋糕好味, 還是爸爸有心氹我歡喜呢? 多謝晒!!!!
ching yi ma 梗係開心啦! 因為有得試食lor, 我諗今次佢可能有投訴 (就是蛋糕太少了), 對嗎?
哽係開心啦！"德國黑森林蛋糕"味道不錯，我個人食了大半個(uncle 說不喜歡黑漆漆)，本想整個食哂，但一想ching yi 家姐還未試過，所以留番細半個。
To ching yi ma:
我諗 ching yi 家姐聽到你的讚賞, 一定好開心, 記住要勤做運動, 留返d quota (配額)呀!! (因為蛋糕試食將陸續有o黎呀!)
quota大把，(因為我最多肥5磅會自動停止)，至多行多2個山未得囉。
好羨慕哩!!!
發佈留言