2010 澳門輕鬆遊 - Day 2 「食經」

一早醒來, 唔好以為我會 "無胃口" 喎, 其實酒店送的自助早餐都唔錯架 (選擇多), 不過有 D 唔合我胃口, 所以無取用啫!

抵達澳門半島的「佛笑樓」(早已聞名 "貴價", 不過 1) 天氣太熱, 2) 部份餐廳 1/10 國慶放假, 3) 部份餐廳太早未開店, 所以只好入內食少少 兼 涼冷氣), 點了：

馬介休炒飯：唔特別的一碟炒飯, 只為......填飽肚!  幸好我有豐富早餐打底, 唔覺肚餓。

芝士肉醬意粉：芝士唔夠香, 併埋肉醬感覺 "好咸", 雖然看似細細碟, 不過食落都幾肥膩 (漏)

白烚椰菜：無特別, 可配橄欖油同食

是餐消費者 $303, 價貴味道亦麻麻地, 又一次証明「佛笑樓」係「名大於實」!!

氹仔官也街買完手信後, 誤打誤撞的走進「上海珍珍菜館」,  雖然座位坐得唔太舒服, 但估唔到有驚喜喎! 是餐消費 $240, 包括：

紅燒元蹄 ($78)：醬汁香濃唔會咸, 用來送白飯一流。元蹄炆得夠晒火喉, 夠林又夠香滑, 9 個 GOOD!!!!!

砂鍋海參魚唇煲 ($85)：菜式幾特別, 在香港不常見, 味道香辣, 魚唇夠大舊 又有口感, 海參索味又夠滑, 值得一試!

清炒西蘭花：每餐飯點樣都要 "食返 D 菜" 平衝o下!

又係飯後甜品的時候, 再次幫襯「莫義記」的蛋花大菜糕 ($8), 蛋香味一般, 好彩唔太甜

輕鬆遊的美食旅程終於結束了, 依依不捨的乘船返港, 落船時, 更意外的睇到香港國慶的煙花表演添, 真係圓滿啊!