無腳的雀仔

車上, 一對母女在對話：

女兒 (發白日夢中)：嘩.....第日中左六合彩, 我就在此區買一個兩房單位自住 或 出租, 那區買一個三房單位自住, 再在別區買多一個單位投資。

母：咩你今期買左六合彩嗎?

女兒：無呀, 講緊下次買、下次中咋嘛!  發o下夢都得o瓜!!  我食左 "大頭菜" 丫嘛!

母：我唔理你買邊一區, 總之我就跟住你, 繼續照顧你啦!

女兒：嗄!!!  我都唔知自己日後會住邊一區架喎!  當我想安定下來我時候, 偏偏又會出岔子, 計劃有變。或者我就似是 (被迫成為) 一隻 "無腳的雀仔" 吧!

********************************************************************

某些事情, 不是由你一人之力便可以改變 或者影響得到, 不能夠一廂情願, 你想安定之際, 別人未必想, 輪到別人想的時候, 你的熱情又已經冷卻了。也許是有緣無份吧!  不過人大了, 經歷多了, 才發現「無雀的腳仔」不如你我想像中的灑脫 和 自由, 或者它也有想駐足的一刻 (一天), 無奈天生的缺憾 (無腳), 被迫要繼續飛翔 (即使已經感覺很累很累), 旁人又能諒解它嗎?

當人們一家幾口在地上看雀仔時, 你會被它的自由翱翔而吸引, 想像它四周遊歷, 見多識廣。天空上的雀仔望見人們一家遊花園, 眷戀他們的溫馨, 愛上他們的團結歡笑。幾年以後, 飛回舊地, 雀仔發現孩子長大了, 自己亦成熟了不少 (年華), 無腳的缺憾令它只能在上空羨慕著別人的天倫之樂。

正好見證了人家說：「你知道....你在門外看人時, 別人也在背後看著你嗎?」
或者話：「子非雀, 焉知雀之樂?」(也許你 "覺得" 它樂, 其實~~~它真是樂嗎?)