「男爵大牌檔」

友人睇左「新 Monday」的飲食副刊, 誓要到佐敦炮台街 18 號的 「男爵大牌檔」一嚐隱世傳統風味。雖然預先訂位, 但因為早到, 所以 "唔愁" 無位, 未及 7:00 pm, 該店的桌已被 "預訂" 得 "七七八八" 了。

踏進店內, 雖然屬於小店, 但勝在坐位闊落、地方乾淨、冷氣足, 牆上貼上了很多招牌菜式的相片, 唔想睇餐牌者, 篤一篤相片便可點餐, 夠方便。原來此店都上過 "電視節目" 同 "雜誌" 訪問架!

迷你冬瓜盅 $58：冬瓜肉厚、料 OK 多, 湯的味道清甜, 一個冬瓜盅大約有 7 碗湯 (連料) 呀!

陳年紹興花雕蛋白蒸蟹 $138：一上桌, 嗅一嗅, 花雕氣味唔算香濃, 蛋白嫩滑度 OK, 蟹卻一般 (係新鮮, 唔算太大隻多肉, 亦唔多膏)。以往曾在 "鯉魚門 - 龍如" 食過的 "花雕蛋白蒸蟹" 正好多!

鎮店口水雞 (例) $50：味道一陣 "四川" 椒香 卻不太辣, 賣相亦相當 "骨子", 可惜 "雞" 斬得有少許碎骨 及 "碟頭細左 D"。不愧為「鎮店之雞」!!!  (令人 "好有想多吃一口" 的衝動）

招牌雞蛋焗魚腸 $55：魚腸份量算多 而且 洗得很乾淨 (無腥味), 只可惜.....1) 無魚肝、2) 蛋焗得 "太老"、3) 碟頭太細

西蘭花炒星斑球 $58：西蘭花一般, 星斑球量多 亦算鮮, 可惜 "芡汁" 過厚, 影響口感。

豬油砵仔飯 $8：難得此店有供應, 唔試就笨了, 結果........「我笨了, 友人卻唔笨」

茶錢 $5/ 位, 免加一, 全餐共 $395, 其實試新菜來講, 價錢不算太貴, 地點就腳亦坐得舒服, 因為食得早 6:XX pm 開始, 所以招呼得 "零舍周到"。