「火羅」爆的事

今天讀了別人的一篇文章, 內容係：

著上整副靚靚武裝, 滿有自信的筆者, 從中環坐地鐵到銅鑼灣, 相約友人飯局, 筆者興奮的描述佢的裝束、自信、同心態, 滿以為街上的人一直在欣賞佢 (還有躲避佢目光, 裝似怕羞的 OL), 結果卻是......餐廳內朋友提醒佢 「火車未到站」!!

認真「火羅」爆, 不是麼?

現實中, 你有無做過一些「火羅」爆的事?

我突然醒起自己的一段小故事：

課堂上, 百無聊賴的我想揾周公相聚, 奈何課堂導師一向對我地的 "操行" 管教嚴厲, 她寧可你發白日夢, 也不許你四處撩同學傾計, 因為她覺得發白日夢係你自己的事, 只影響你的成績, 而撩同學傾計呢....則會影響該同學的成績, 還會為課室的寧靜帶來干擾。

為了唔比自己 "不經意的" 睡著, 我只好從包包中取出 "寶貝" 來解悶, 那 "寶貝" 就是時下人人都擁有的.......手提電話! 先睇o下有無人趁我上課時揾我先? 「無喎, 連 SMS (短訊) 都無得回覆. 又悶死了!」

o甘不如睇返手機內舊有的相片啦! (內有好多小姪的得意相), o甘樣該可以花掉一點點時間, 令課堂無o甘悶的, 用手指的按呀按, 誰知.........大拇指的 size 太大, 按錯了隔離鍵呀, 手機隨隨響起........小姪的說話錄音, 那清脆的聲音, 在狹小的課室中顯得額外暸亮「.......我好掛住你, 整甩左, 你整甩左啦........」我真該死!!!! 想按停止鍵卻因太過突然, 慌忙到不知所措, 同一時候, 成班同學和導師將目光投向我, 弊!!!!

好唔容易的才將錄音停下來, 我知道自己已經「火羅」爆! 唯有低下頭, 裝著無事發生, 點知附件的男同學彈出一句：「嘩........你塊面好紅喎!」唉.............. 我都知自己「火羅」爆時會充血上腦, 面會顯得額外紅, 點知 E 一幕都逃不過別人的法眼。

你......又有無一 D 「火羅」爆的事分享呢?