朋友團拜 & 生日會

初七人日去了朋友家新春團拜, 節目不外乎打麻雀、玩魚蝦蟹、射龍門、參觀新居 & 打邊爐等等。唯......孤寒的我卻堅持 "唔賭錢", 結果我和幾位志同道合人士一齊玩 "唔賭錢, 只鬥智" 的麻雀遊戲 (賽後檢討, 計籌碼也知道我是輸家 ─── 名符其實的 "大魚腩")。

朋友的新居位於西貢清水灣, 又是用「五星級的家」來形容, 感覺尤像在做緊 "更上一層樓" 的節目主持一樣。

好啦好啦........終於來到壓軸的切蛋糕時間啦! 月尾生日的朋友酷愛 "賽馬", 而且為人比較傳統, 一於預訂一個 "賽馬蛋糕" 比佢啦, 牌上還寫上「馬到功成、虎進金來、生日快樂」, 估不到蛋糕的味道亦不錯, 而每件裝飾品亦可以食落肚架! 我地還為佢送上了 "中式" 的生日歌 (恭祝你福壽與天齊........), 大家開開心心的玩左一日。

真多謝屋主的熱情招待, 還有幾位好友專誠的充當司機 (要佢地忍口唔飲酒)!