好消息

哈哈........向目標進發!!!!

今 "早" 凌晨返到家中, 見到桌上放有我「期待已久」的信件 ─── 係上年 12 月應考的校外公開試結果呀!

早知學會會在此星期寄出結果, 於是我每天 "幾乎" 早、午、晚去信箱 "睇信", 總是抱空而回, 心裏有點緊張 (亦曾因此失眠), 亦有點不爽啊!

終於等..........到了, 快 D 拆來睇o下先。幸運地..............如願的 "及格" 了! 向 「有資格考取牌照」又邁近一步, 希望o黎緊的 3 科校外公開試都一樣 "順利過度" 就好了!