獨善其身, 談何容易?

上星期工作忙, 碰上身體不適, 什麼都不理, 只埋頭苦幹, 原本以為好地地的........

點知 E 個星期一 "有人" 壞 mood (心情) 到, 又再無理指摘了, 還要 "慌你唔死" 的叫埋上級一齊和你傾。

講真呀......作為上級, 在此金融海嘯的營商環境下, 只想大家乖乖的爭取業績, 其他的事, 無謂煩我啦........(係唔係先), 於是上級講左一大堆 "好宏觀" 的訓話, 意指大家拍硬檔落力改善啦! (好似阿爺勸乖孫o甘), 我當然點頭附和, 唯唯諾諾o甘啦!

誰知 "有人" 咬住唔放, 不斷的 "數" 唔同的故事出來 「指控」我 (但全部只以 "佢自己" 的角度去睇件事), 一切的責任也推在我身上等等。我唯有苦笑的在上級面前回應 (解釋), 信不信由佢啦 (我控制不了)

"那人" 最後還向上級 "建議" 設半年監察期比我, 如我無改善 又或 仍改善得不足的, 將另行處置喎! (講白 d 「想趕我走」), 最終上級無應承 "那人", "那人" 好不滿。

雖然知道自己可能 "命不久己", 不過........「做人...有時有風唔駛駛盡利的」。在o甘的時勢, 無論誰對誰錯, 無左份工, 都不是一件好事。 (即使留低者也分分鐘要做埋走左果個人那份, 因為節省成本唔再請人), 何必呢??