首先我地去飲茶 (東薈軒) 直至大約 1:30, 然後便去了 "聞名已久" 的 「昂坪 360」纜車, 雖然遊人也不少, 但排隊過程尚算順暢, 而且也頗多外籍人士乘坐呢! 不過車費也絕不便宜, 纜車來回程 ─ 假日成人票價 $98, 假日長者票價 $78, 我覺得成人 $68, 長者 $48 就比較合理。
行車需時 (單程) 大約 25 分鐘, 雖然今天都算大風, 但並不覺車廂過份搖擺, 抵達 "昂坪市集" (面積和海洋公園的集古村差不多), 形形式式的店鋪包括：食肆、零食及便利店、與佛同行和靈猴共舞展覽館 (入場費另計)、多間紀念品售賣店等。我地逗留了約 45 分鐘便開始回程。
下山後已經差不多 5:00, 我地乘巴士去機場二號客運大樓的航天探知館, 想參加 $65 套票的優惠 (可睇 2 套 4D 的電影 及 免費入另外兩個展覽館參觀, 遊戲另收費), 其實這是我地今日的 「重點旅程」, 只可惜............4D 影院已經 full (滿座), 下一場要等到晚上 7:00 及 9:15。
結果我地好失望, 但瞬眼間又見到了希望啦!!! food court (美食廣場) 就在眼前, 我地奔過去 "化失望為食量", 好快心情就平復了。 今天的最後節目就係去找亨 BB 玩, 然後一家人食飯, 回到家時已經係晚上 11:00了。
雖然去不到重點節目, 在東薈城也無時間逛 Outlet, 亦享受不到諾富特酒店的自助餐 (full - 滿了), 但也玩得好開心, 而且好累, 今晚一定會好好瞓。 至於那些未做的項目, 唯有留待下次了。
4 則留言:
有空閒時郊遊，户外活動，心情都愉快。
幸好昨日我們到東涌乘坐昂平360吊車，到昂平市 集遊玩。晚上到元朗和亨B玩耍，樂了一整天。
若果今天才去玩，那就大煞風景，整日下密麻麻的雨水，走起路來十分不方便。
所以[坐言起行]或[及時行樂]都是對的！
好多野個天自有安排的 (整定的), 無需擔心太多!
只要隨遇而安, 珍惜刻下, 懷著感恩的心去領受目前, 就已經足夠了。
睇唔到4D電影確實有點可惜, 但整日行程尚算順利, 好開心可以一齊去郊遊, 好耐冇試過, 希望待henry大個仔, 可以一齊再去玩過, 期待中。
發佈留言