保險狂想曲

尋晚放學後, 去左食雲吞麵, 同桌搭坐的一位女士, 衣著十分行政 look, 手挽公事包, 聽佢講電話的內容推算, 她應該從事保險業的。

從前對保險業或多或少總有些抗拒, 因為怕自己對數字 "唔精", 會被人呃, 又怕 d 保險經紀太 hard sell (硬銷), 我被迫甩身而就範 (不懂得拒絕人)。所以總係對 "保險" 避之則吉。

人大了, 明白需要為自己及家人打算, 除左人壽、住院保險外, 還對投資儲蓄的保險有興趣, 此外, 還為著 MPF (強積金) 的事宜要向保險經紀請教呢!

有好多保險經紀總說自己 "當客戶係朋友", 內裏究竟有幾多成真 (攞個心出來做事), 幾多成假呢 (只係談吐上的糖衣包裝)? 如果雙方沒有 "利益" 的存在, 還會是朋友嗎? 試猜想, 一天自己魂歸天國之時 (保險經紀一定知的, 還要為你辦理賠償手續), 你的保險經紀會出席你的葬禮嗎?

無論會唔會都好, 那時候, 你已經合上眼, 什麼也 "睇唔到" 了, 一切變得不再重要, 重要的只係 "你對家人的保障要兌現" 就得了。