大昏迷

上週五, 患上了偏頭痛 + 鼻敏感, 睇左醫生兼服藥, 唯休息唔夠 (因為週六要學車), 唔敢食藥, 成日 "吽吽哣哣、魂遊太空", 人不在狀態。

尋日 (週日)中午同 KK 及媽媽外出購物, 誰知.......在商場內突然感到 "好焗"、身上 "標冷汗"、開始感到 "滿天星斗", 雙腳站不隱 (微震)、呼吸吃力 (要好大啖呼吸), 我知道身體唔夠 "氧", 咀唇變白, 又怕自己倒下來。 媽媽陪我在商舖外坐下休息, 一邊搽藥油, 一邊將頭倒下在雙滕中間 (讓血液流到頭來, 清醒一點)。 好彩有媽媽 同 KK照顧我 及 護送我回家咋!

今早起床, 頭依然覺得 "好暈", 怕在上班途中又暈倒, 因此睇醫生, 在家再休息 (足足瞓左一日, 除左食野、食藥同去廁所外, 一直瞓), 晚上精神已經好一點了, 唇上有點血色。醫生說可能某些藥的藥效太強, 而我的體質太虛弱, 受不了。

雖然係病了, 不過有機會 "偷得浮生 (半日閒)" x 2 = 1 日閒去 "大昏迷" (好好休息), 總算不錯, 身體該會好快康復的。 另外, 恭喜 KK 買到 心儀已久的 Wii 遊戲機, 可以同黑俠王子 一較高下。