聚舊

尋晚舊同事聚會晚飯 (連我在內, 一共五人), KK 在場派囍帖。我地幾位年紀也差唔多, 不過傾談間發現其中兩位同事離職之後, 再無進修過什麼, 對事業的發展也不太熱衷, 仍熱愛 "夜浦去玩", 生活上無 mug 目標, 彷如 "過得一日得一日" (等嫁) 的心態。

只係佢地二人的確 "駐顏有術", 樣子保持青春, 也許生活不帶壓力就係 "長青的秘密", 令我好羨慕啊! 反而我在離職之後, 在事業上碰過釘子, 自知學歷不足, 不斷的去進修, 因此多了一雙眼睛 (變左四眼妹) 及容貌 "殘左" 好多。 我想也許阿 Be 也要 "退貨" 啊!

雖然如此, 晚飯的時間過得好開心, 而且一瞬間時光又返回 "也許當時年紀少" 的時候, 一齊懷緬當時無事業心 (又無家庭負擔)、 只顧 "柴娃娃" 去玩的癲狂歲月, 至今仍好回味呢! (至少曾經好運的遇過一份 "好自由" 的工作, 不過已經 "執左" lu)。