去到醫師處, 當然又係 "望、聞、問、切" 幾個步驟啦, 之後我同醫師講 "偏頭痛" 同埋 "條頸梗晒的痛" 幾嚴重, 因此睡得不好, 睡極也不夠精神。醫師話我有寒氣入侵, 尤其肝 (太虛寒), 肺偏燥, 而血熱 (聽落都幾複雜, 正一係 "佢識我唔識")。
開藥方後, 佢話 "針灸" 會對 "頭痛" & "頸痛" 有效, 問我試唔試, 反正也要等煲藥, 咪試一下 lor (另外收費的), 大家睇o下, 都幾恐怖架, 我共針左 6 針, 包括：
1針左邊 "暈精" (因為經常左邊偏頭痛, "吉" 得幾入架, 都咪話唔驚, 醫師話有瘀血喎)1針右手手腕內側
2針右腳背
2針右腳趾
(我仲以為只會針 "頭" 及 "頸", 懶醒的束起頭髮添!!)
當 "吉" 暈精的時候, 佢吉入少少支針, 便問我: 有無反應, 覺得麻痺嗎? 我說：少少麻, 佢再插入 d 支針, 問: 而家呢? 我: 好麻了 (個心有 d 驚, 因為佢都 "轉" 得幾大力去入針), 點知我講完之後, 佢還轉入多d 支針 (正一 "唔痛死都嚇死我"!! 認真見識 mug 野叫做 「一額汗」, 直頭係全身因緊張而冒汗呀!)
人地話 "五行欠打", 我就係 "五行欠針", 針過後, 頭痛頸痛好似鬆左 d, 輕微左, 仲瞓得幾好添, 不過我認真怕怕 lor, 如無必要, 我真係唔想再針, 好驚啊! (唯有當預早過 "萬聖節" 啦!)
2 則留言:
真的很恐怖，我看了圖片不禁心寒，希望你下次不要再試，祝你早日康復！也佩服你的勇氣！
你咪重大勇氣, 夠膽生小孩 (自然分娩), 真係揾命博架喎, 唔講得笑, 佩服佩服!!
當佢吉暈精時, 因為要等大概 10 分鐘才會拔針, 我百無聊賴的唔知做 mug 好, 取出手機影相後便閤上眼休息 (其實插住支針在暈精都會有 "赤赤麻麻" 的感覺, 絕不好受)
當時我在諗, 如果針我的係 "庸醫", 一陣拔針時我便會暈倒或者死去, o甘點算呢? 我還有遺憾嗎?
得出的結果係：既然都已經落左針, 既來之, 則安之, 吉左針, 會快d 好丫嘛! 都係乖乖地閉目養神啦! 以而家的身世 (病厭厭又無力的), 還說什麼遺憾? 無得瞓就極度遺憾了。(估唔到我都 "睇得幾化" 喎!)
發佈留言