E 一排天氣 "時冷時熱", 空氣質素又差, 身體弱一 D (如我) 都會頂唔住。其實我總唔明白, 點解我會容易生病呢? (因為我已經 "好窮", 無理由財多身子弱的) 想必係心理及壓力因素吧!
最近經常患上傷風、感冒、頭痛、時冷時熱 及 鼻敏感等症狀, 好返少少, 又再病過, 成日都 "精神差、周身骨痛、頭痛、鼻水長流", 週而復始, 無窮無盡的, 食藥過後又再出現此症狀, 唉..............
上星期六早上我瞓醒起來, 噢........渾身是汗, 從頭濕到落腳趾, 都唔知做什麼? 只知道身體 "好唔妥" 同埋 "好頭痛、骨痛"。找來媽媽陪我睇中醫 (因之前睇太多西醫, 始終好唔晒, 成日翻發), 中醫說有 D 內感, 氣血因此行得唔好, 影響我會時冷時熱。比左 3 日藥我回家休息。
我好乖的在週末長期休息, 在週一早上起身時, 又係全身汗, 連枕頭也濕晒, 無辦法, 也要頂返工 (因為今天有工作要做, 不能請假), 踏出家門時, 已經覺得空氣好差, 連呼吸也感到心口被壓著。好在早出門口 (睡得不好), 火車車廂中不算擠塞, 當火車至沙田站時, 我的肚突然好痛, 身體開始 "標冷汗", 頭也開始暈, 因此我立即走出車廂到月台 "坐著休息"。
感到身體好一點的時候, 我繼續上班, 點知...........當火車並未駛進九龍塘站時, 我的身體又在出現頭先的現象, 今次豆大的汗珠在面上滴下來 (我深知自己面青唇白), 手也開始微震。
我厚著面皮向一個坐著的男人問:「先生, 唔好意思, 我見頭暈, 你可唔可以讓個位比我?」
那位先生:「好! 無問題 (並二話不說的起來讓坐給我)」轉頭還問我:「要唔要幫你叫車長幫手?」
好彩休息過後, 我也無驚無險回到公司上班去。如果昨日早上無遇上 "好男人", 我想我也會好辛苦呢!
3 則留言:
big mac ,希望你將來遇到好男人,可以終生照顧你,愛護你。好男人會帶給你享不盡的幸福!願你以後過着溫響甜蜜的生活。願上天賜予我的小公主有健康的身體
日後能否碰上好男人, 我不敢奢望, 始終除左緣份, 也要睇二人的做化, 只知道 "命中要你碰上某人, 不由得你拒絕" 還是 "隨遇而安" 吧!
至於健康的身體, 的確係 "人人期望可達到" 的, 願大家在入秋天氣轉變之時, 好好保重身體, 多加衣裳啊!
今日你遇到一個好男人, 但願好男人永遠伴著你。
人生難得遇到好男人, 總算比你遇到一次, 已是難能可貴的, 請好好珍惜吧。
祝福我們的小公主永遠幸福快樂, 身體健康!
發佈留言