忟憎

E 幾年來, 努力的訓練自己 EQ (情緒智商) 要高一些 (盡量令情緒唔易波動, 保持平隱), 今日終於又失守了。

我 o係公司用的電腦已經係二○○二年購入的, 上週一開機後, 佢自己掃瞄到錯誤, 之後要求我重新開機, 自始之後電腦就成日久唔久 Hang 機 (按任何鍵及老鼠也沒有反應, 就連結束沒回應的程式及正常關機也不成, 只能靠人手死按總掣五秒去關機) 「注意!!!」 "此動作需要長期接受訓練, 而且容易令電腦受傷, 大家切勿模仿"

上週四 Hang 機情形持續惡化, 需要叫人上門修理 (公司的 IT 電腦部門係外判的), IT人安裝左 Window XP 的 repair 軟件程式便走了 (佢話應該 OK 的喎), 怎料佢走後不夠兩個鐘, 電腦 Hang 機之餘, 還多左 "Bee Bee" 聲作響 (好似隨時爆炸o甘), IT 人星期五再到來, 說是上一次安裝程式時, 設定出左少少問題, 因而作響, 下午電腦再 Hang, 熄機後再開機, 也不能開動 Window 作業系統了。

今早 (電腦已經休息左兩日), 電腦硬盤竟然 "唔識轉 (唔識郁)", 唯有再叫 IT人來維修, 今次佢替我換左硬盤, 兩小時後, 佢 (電腦又頑皮起來 "抗工"), 佢時 Hang 時 郁 (不定時, 而且發作得好頻密), 畫面中最底 "開始" 果行的橫行也消失左, 令按鍵十分不便, 亦唔知幾時有電郵收 (因為右下角有圖形提示), 真係唔知 IT 人下一步又想點整部機?? 只知道我好想可以工作得流暢D, 唔駛 "窒住窒住"、唔駛 "寄人離下" (IT 人整機時, 我有位歸不得)。

E 幾日拖拖拉拉的被電腦 "玩殘" 了, 好忟憎啊!!!