「力奇」唔食 "豬骨煲"

好多人都知道位於大角咀的「力奇」最出名就係食豬骨煲架啦!  機緣巧合, 一班朋友相約去幫襯, 其中一位朋友試過「兩次」到此店食火鍋, 佢話：「豬骨煲確是 "大件夾抵食" ($178/鍋), 不過材料太多, 可能有點 "漏", 如果想試多幾款火鍋生料的話, 都係點另一些湯底較好。」

結果我地點左鴛鴦湯底 (蕃茄薯仔 + 沙嗲), 還有多款火鍋生料, 仲有是日推介：$68 / 隻 鮮鮑魚。

湯底「越食越咸」, 尤其是 "沙嗲味", 如果成個湯底都係 "蕃茄薯仔" 呢, 感覺就十分美好了, 因為 "隔離檯" 的 "蕃茄薯仔" 湯底, 材料疊到「成坐山」o甘高呀!!

鮑魚味道幾鮮甜 , 大部份的火鍋生料均可以選 1/2 碟 (即係和 "另一款生料" 合併), 所以真的試左好多款式, 當中的 "鴨粉腸"、、雞雜"、"豬潤"、"豬腳筋"、"黑柏葉 (火鍋紙好似寫著：毛葉)"、"王帝菜"、"鮑魚" 等等, 均值得推介。

當中有些生料忘了拍照, 是晚每人消費 $120。該店地點有 "少許" 難揾 (如果唔熟路), 地方光猛乾淨, 可惜坐位間有 "少少迫夾", 同埋 "樓底矮", 有點嘈!! 

幸好今次坐在旁邊的兩位朋友, 十分客氣、對我亦非常照顧, 頻頻為我夾餸, 令我食得「非常滿足」!  下次有飯局, 一定要約埋佢地, 仲要坐在佢地中間添, 哈哈!!