懷舊回憶的「龍華酒店」

小時候住在沙田區十幾年, 然後才遷到別區。

記得那時候, 雖然出身小康, 週末父母總愛帶我地幾兄妹出外走走逛逛、曬曬太陽, 如果要出街晚飯, 「龍華酒店」係我地的熱門選擇之一, 因為地點近家, 馳名的乳鴿係哥哥的至愛, 我卻愛伴碟的 "大蝦片" (原來今日已經 "無大蝦片" 伴碟了)。  還有.......我地幾兄妹至愛玩它的 "特式韆鞦"、睇孔雀、到上山道路兩旁的商店 "八卦" 趁熱鬧。

那裏的種種回憶, 令人十分難忘。今日兄長一家, 攜同小姪, 帶回父母 一齊重臨舊地, 雖然桃花依舊, 可惜人面全非了。唔信??  你睇o下...........

乳鴿 4 蚊一隻??  做緊大特價乎??  邊有o甘大隻甲乸隨街跳呀?  大家睇o下個 "電話" 就知道這是一個「歷史價錢」啦!

是日我地嗌左一個 4 人餐, 內容有：4 隻乳鴿、齋上素、涼瓜排骨、蝦仁蒸豆腐、蠔皇干燒伊麵、沙田雞粥。$598 (另計加一)

乳鴿：有 D o鞋 同 咸左 DD

齋上素：好食不過碟頭好細好細

涼瓜排骨：涼瓜夠苦, 排骨夠林

蝦仁蒸豆腐 (因為廚房漏單, "三催四請" 之下, 此餸等左半個鐘有多才上檯)：味道清, 可惜.....豆腐好o鞋!!

蠔皇干燒伊麵、沙田雞粥：伊麵味道 OK, 唔太油。雞粥唔掂, 大圍雞粥好過它。

整體來講, 周日比較人多, 預訂座位比較隱陣。此店的食物 和 服務真的「非常一般」, 食客前去都是......俾面「馳名乳鴿」同埋 「趁機懷緬一下舊日情懷」。

離開時, 驀然想一想........唔知當我 "七老八十" 之時, 小姪又會唔會一家攜同妻女, 帶回父母及我 (猛車邊) 前來懷舊晚飯呢?  如果到時「龍華酒店」仍未拆的話, 可惜的是.........我的父母親該已經回歸天父的懷抱了。(心內有 D 憋憋地)