好啦好啦.......網友說在大埔租車, 會較在大圍租車便宜一點 (當然 大水坑單車公園 租車係最平啦, 不過地點唔方便)。我地今次一於攪攪「新意思」, 路徑變成 大埔 → 大美篤 → 大埔 → 吐露港 → 大水坑 (單車公園) → 沙田 → 大圍 (還車)
10:00 大埔火車站集合
10:00-11:00 大埔墟食早餐
11:00-11:30 富雅花園地下 (火車站側) 「世運單車」租車, 日租 $50 (晚上 7:00 前大圍還車)
11:30-13:30 大埔火車站 → 大美篤堤壩
13:30-15:00 大美篤 汀角路茶座 午膳 (好明顯睇相就知........食大左, 飽到頂住個肚!!)
15:00-17:00 大美篤 → 科學園
17:00-18:00 科學園 → 大水坑 (單車公園) → 沙田 → 大圍 (還車)
今次玩得 "非常盡興", 還車之後, 雙腿、雙膝、坐骨 (腰)、 盤骨 及 pat pat "完全唔屬於" 自己的, 因為佢地又酸又軟、又麻又累!!! (感覺就似 "脫離" 了我的身體)
旅程中比較難忘的係我的 迷你 lomo 相機拍出來的照片, 質素認真唔錯。另外在 汀角路茶座 午膳時 (由於餐廳可攜寵物內進), 幾乎是「一桌一狗」, 有的甚至「一桌幾狗」添, 我還為當中幾隻狗仔影相添! (我怕狗, 所以唔敢同大狗影相, 怕它們撲過來我處)。
好啦.........睇 o下我 D 靚相先!!
我的戰車!!!! (唔好踩的, 今次完全攪唔清轉波等手掣, 令到我不斷 "落力" 的踩, 卻似在原地一樣, 朋友的車並無問題喎)
大美篤堤壩
汀角路茶座 ─── 一睇圖片就知我地 "食大左" 啦, 認真係 "眼闊肚窄" 啊! o係 E 度, 有多款 "點心" 比你揀, 碟碟都係 $14, 而且仲有好多狗狗比你影相, 有 D 甚至乖到 "任你舞" (可以同你玩), 茶座旁邊還有靚靚外牆的藝術餐廳呢! (完全估唔到我的玩具相機, 影得出o甘的質素, 勁!!)
吐露港 → 科學園 → 沙田 明星畫舫 (畫舫下的日落好靚呀)
1 則留言:
Mac，你的攝影技術越來越進步！
發佈留言