小學時因為要在早上六時前出門跨區返學, 所以好早便出門, 記得那時候媽媽幫我著到「一隻糉」o甘才準出門返學, 有時大約 8 件衫, 超寒冷的時候, 甚至 10 件衫添! 記得當中包括：底衫 (純棉)、衛生衣 (如下圖：羊毛內衣 又或稱 虧佬衣, 當時最流行的牌子包括："利工民" 同 "雞仔嘜")、校服、冷衫、棉襖背心、校褸 (我記得係 "大地" 牌)、大褸 (絨毛)、羊毛襪褲、長褲等等。
出到市區之後, 體溫就會熱起來, 一來係因為 "太陽出來了", 曬一曬, 成個人都暖晒! 二來係因為市區確實比郊區熱幾度丫嘛! 所以返到學校第一件事, 就係要「除衫」, 除剩 2、3 件衫就夠了! 最煩就係要 "想辦法" 去放好那臃腫的衣服們, 直至放學為止。隨住時代的變遷, 地球比過去暖化得多了, 所以天氣凍至 5 度或以下的機會係少之又少。而且........我地亦開始嫌棄 "衛生衣" 又厚又老土, 怕著住它在內再著上一件貼身外衣, 就係人都知我著好多件衫 (怕瘀 又 怕腫)。所以商家們出品了各式各樣的 "超薄防寒內衣", 功能更稱得上 "層出不窮", 如：遠紅外線、備長炭、3D 立體剪裁等等。
估唔到即使天氣變暖, 人們的 "適應力" 也隨之而轉變, 而家只要 10 度以下, 我地已經覺得好寒好凍, 而且更要著上 "超薄防寒內衣" 打底添! 陪同著我成長的 "利工民" 同 "雞仔嘜" 至今依然屹立不倒, 勁!!!!
"超薄防寒內衣" 係天氣寒冷時的「最佳拍擋」 & 寶貝啊!
沒有留言:
發佈留言