夢上海

終於到左渴望已久的「夢上海」尋食了, 它做緊星期六、日的 brunch (早午餐) 半自助 buffet (自助餐), 成人 $98 及加一, 時間分兩場, 分別係 11:30 am - 2:00 pm 及 2:30 pm - 4:00 pm

前菜及甜點係自助形式, 其他的小菜, 上海美點就係剔表送菜的。

前菜及甜點有: 莧菜魚羹、蒜茸拍黃瓜 (青瓜)、木耳烤夫、油炆荀、鹵水牛展、雞絲粉皮、花鵰醉雞、鹵水雞翼、茶葉蛋、豆漿 (咸甜配料自己溝)、什果西米露、椰汁馬豆糕、杞子桂花糕、酒釀丸子、芝麻酥餅、饅頭、最最最特別的.....................係有 "片皮鴨" (開頭大家係o甘搶, d 人一搶就無左 1/4 或者半碟, 我地要輪到第二輪才有得食, 結果原來.............唔駛搶, 出左 4、5 隻鴨o甘多, 多到無人攞)

小菜、上海美點有: 干煸四季豆、上海素鵝、糖醋魚塊、魚香茄子、蝦仁炒蛋、蝦餃、燒賣、小籠包、紅油炒手 、還有多款點左但唔記得影相的食物

總括而言, 食物賣相及味道唔錯, 侍應服務亦很好, 只可惜今天大家有點 "不在狀態" 中, 所以食慾大減, 友人說:「味精頗重, 好頸渴」, 不過都值得一試! 我地仲有一張每位免費贈送 "乳鴒" 一隻 或 "湯包" 一隻的贈劵, 不過真係食唔落, 唯有留返下次用啦!