"靚靚" 宵夜 慶功宴

終於完成學期尾的大考啦!! 好彩考完試才放 "復活節" 大假, o甘樣玩都玩得開心 D, 好o野!!

之前的溫習進度唔理想 (溫極都唔入腦), 好彩請左兩日大假好好備課, o甘樣才可渡過難關咋! 考試題目比我想像之中 "識答" 得多, 我諗應該 "及格" 呱!

可能因為考試前太緊張, 考完試之後見 "胃痛", 快 D 搵o野食先, 一直以來我都對 尖東的 "靚靚車仔麵" 慕名已久, 因為知道好多藝人幫襯 (牆上佈滿藝員照片), 不過亦知道在此店食碗麵都唔平, 今晚一於食好 D 當作 "慶功" 啦!

叫左:

1) 油麵 $10 (唔特別, 唔知點解o甘貴???)

2) 鮑汁鮑魚菇 $7 (鮑汁唔夠濃, 唔值 $7)

3) 油炆荀 $7 (唔夠熱, 味道麻麻地)

4) 麻辣豬肚 $6 (幾好味, 好香濃的花椒八角味)

5) 蘿蔔 $5 (味道 OK)

6) 可樂一罐 $7

整體來講, 配料款式多, 花多眼亂唔知點揀好, 麵食及配料都唔夠熱, 所以呢..........靚靚車仔麵 "名過其實" 也!! 不過未試過的就一試無妨囉!