接種疫苗

保險每兩年送我一次免費驗身 (簡單版), 12 月頭才去 check 過, 結果顯示我無 「乙型肝炎抗體」, 難得我o甘多年來也僥倖 "未中招", 一於 "拿拿淋" 揾醫生注射疫苗先。

原來要 "打 3 支針" 架, 尋日打 1 針, 1 個月後打第 2 針, 半年後打第 3 針, 每支針要 $280 架! 都幾貴, 不過.......為健康, 無辦法啦 (萬一真的出事時, 瞓醫院埋單都唔只 E 個數)。

遲 D 走去驗埋自己有無 「甲型肝炎抗體」 先 , 因為它經由食o左不潔食物傳染架, 你地知我幾o甘 "為食" 架啦! 如果無 "抗體", 就一於打埋防疫針了! (心裏希望有 "抗體", 唔怕患上甲型肝炎, 又可省回一筆, 哈哈!!)

突然回想起小時候 (由嬰兒至小學時期) 經常都要接種疫苗架, 果陣時好開心 (因為我自細唔怕打針), 而且可以 "唔駛上堂" (在課堂時間去排除打針)