我地從 "西頁黃石碼頭" 作起點, 一路行至 "海下", 從上午 10:45 行至 下午 14:30, 共 3 個幾鐘, 因為我地行 o下又停o下, 停o下又抖o下, 抖o下又影o下相o甘, 哈哈.........(行得耐左少少, 因為大家好耐都無做運動), 好彩個天比面無落雨, 只係天陰陰, 一時有點悶熱, 有時又好好風, 忽然之間又放晴喎!
行至中途, 上上落落的渾身是汗, 連內裏著的也濕透了, 唉.......個頭又好鬼 "馨" 喎, d 血充晒上個頭度。最好笑的係朋友背包內的朱古力 (有外盒及錫紙包裝), 竟被體溫弄至彎曲, 打開朱古力後, 發現 "溶晒", 可想而言, 我地的體溫有幾高, 笑死了!!
行山真的幾好玩 (既做運動, 望見靚景又可減壓), 不過有點點累啦, 想必今晚一定會好好瞓了, 而家的心情也比上週五好啊!
沒有留言:
發佈留言