我有「福」了

E 個星期過得好充實, 公事上無 mug 時間停, 而私事上又忙著行山、做功課等等, 結果.......

可能行山當日天氣悶焗, 出完一身汗又被風吹o下, 星期一起身開始喉嚨痛、 然後發冷、流鼻水、星期四仲開始氣管好癢的 "抓抓o下" (不斷咳), 應該係 「氣管敏感」發作了。

今早睇中醫, 醫師診脈後, 主動說要比今日的病假我休息, 因為佢推測我將會發燒喎, 同時間會開始鳴喘 (即係西醫講的 「氣管敏感」 或「哮喘」), 我說不用了, 因為公司多事忙, 而且晚上又要返學。佢吩咐我小心保重, 醫師多好人啊!

原來我患左 「外感溫燥」型的「咳嗽」。小病來臨, 我豈不是又有 "福" 了?