恭喜 KK 、賀喜 KK!!!! KK 好叻女, 今早考牌 "一 take pass", 除左係因為佢手車好之外, 還有黑俠王子在旁 "打氣" 的愛心力量, 才戰勝 e 個考試呢, 接下來, 佢要籌備日子及金錢去運輸署 "攞牌" 了。
至於我呢.......尋日繼申請補考之後, 已經好努力的打電話去學校查詢 "考期" (想要一個較理想的時間, 避開人多返工返學的, 再因應考期去 book 課堂)。
誰知 "勤力" 並不可以如願架! 昨日我每半個小時打電話去學校查詢, 也未等到理想時候, 今早仍然努力的苦等, 誰知......突如其來的 50 分鐘, 考期竟由上午的 9:25 跳去 下午的 3:40分, 真攪笑!! (枉我尋晚苦等兩小時、今早等候了三小時 也是上午的 9:25, 停滯不前, 因此我懷疑 D 最佳時間比 D 至尊學生攞晒)
致電學院的熱線又經常爆滿, 既要留言, 又遲遲未回覆! 結果碰上好多次釘才 book 到新的考期 (不是我想要的理想時間, 但要妥協了, 我返工也要做事的, 不能長期失魂落魄的等電話)。
不得不懷疑駕駛學院將 "最佳時間" 的考期全留返比 "至尊學生" (比普通平民學生比多幾千蚊學費, 上課及考期日子、時間均由專人阿 sir 代 book, 由開始學車至考試亦由同一導師教導及用同一車輛學習)。 由於要比多幾千蚊, 因此 KK 和我也覺得這是 "至豬學生" (未見官先打 80 大板, 又不是確保比多 D 錢一定 pass)
5 則留言:
Mac,放輕鬆吧!其實昨天試後的你有所得着。
若下次遇到前面車輛因事故而爭執時,你定能知所進退,和與前車保持足夠的距離給自已運用。
kk只不僥幸吧,請加油!請記住:[失敗乃成功之母]。
媽媽
請你不要說自己 "失敗", 而讚我 "成功" 啦!
因為你係我之母丫嘛! 哈哈, 仲整蠱你唔到?
叻姑姐,我哋叫靚姑姐請食慶祝。
多謝您咁錫我,知我鍾意食,犧性小我完成大我精神,請我食兩餐,今次靚,下次叻,多謝您!
鬼馬的 Henry, 哼!!! o甘下一餐就好貴啦, 因為要計算埋我補考的費用丫嘛!!
今次只是意外收獲, 你駕駛控制及基本操控問題不太, 下次一定成功。
至於駕駛學院電話查詢確實有問題, 冇人聽, 留言唔覆, 收你線, 樣樣有, 令人煩躁,好彩最終book到無問題。
至於henry仔佢應該用行動去支持你, 有心為你打氣的話, 佢就應該用他的利是請我們大家食好嘢, 一齊happy。
發佈留言