跳舞記趣

尋晚我同阿 Be 去左跳 Tango (探戈), 上一課我地有事無返學, 好彩所授的舞步亦不多, 因為我地好快便追上進度了。

由於過去我地學過 "探戈" 及 "華爾滋", 因此今次翻學特別快上手 (因為已有基礎及印象), 導師們亦認為我地跳得不錯。 導師說阿 Be 的 "架" 唔夠 "挺" ("架" 即是伸直晒整條脊骨, 像有條繩扯住個頭在天花般, 左右手踭屈曲在心口展開, 與脊骨成一個十字的模樣), 同埋我倆的默契不夠, 因此轉頭的動作唔夠勁及唔夠齊。

經過導師多番指導 和 我倆多次練習之後, 情況大有改善, 不過由於太盡力的關係, 左邊肩頸有點痛 和 右腳有點兒抽筋呢。 (我想大概熱身運動不足所致)。 我確實感到翻學係易上手好多的, 人都跳得輕鬆D。