回憶 - 零食篇 (二)

繼續上次未完的話題先

11) 冰條 (七彩繽紛的, 外型好似漏斗, 要放冰箱內的, 有少少藥水味, D細路最愛用力扭開一半來吃)
12) 酸木瓜 (要放冰箱內, 有黃色和橙色兩款, 酸酸的)
13) 串燒 (其實都唔知係 mug 野成份, 只知道幾惹味, 約 $0.3 /串, 時至今日, 零食店仲有得賣)
14) 二寶果汁糖 (係我兒時的至愛, 因為好好味, 而且又 "懶" 有益, 話說添加左維他命 C)
15) 能得利果汁橡皮糖 / 提子糖 (細路常吃, 食橡皮糖時忍唔住會o趙, 但係 "一定" 會黐牙)
16) 嘉頓時時食 / 威化餅 (D 阿媽成日買比仔女食, 貪其 "正氣" 、"有益"又 "飽肚")
17) 麥提莎 (簡真是細路眼中的 "極品", 因為好貴架! 所以有得食, 係最高的享受)
18) 鼻屎 (其實係陳皮丸, 由於外形太似鼻屎, 所以在細路圈中不討好, 加上價錢平, 屬於 "低檔" 的零食)
19) 嘉頓朱古力手指餅 (小朋友鍾意佢除左係餅 "飽肚" 之餘, 亦有朱古力可以 "舔")
20) 盒裝朱古力漿 (有一款外形好小巧的盒裝朱古力漿, 細路會用餅條 / 或者專用匙羹 去 "不" 果D 漿一齊食, 食得好滋味架)