美女廚神

哈! 上週五放工, 約左 Ching Yi 家姐, 朋友 E 小姐 及 另一新朋友 C 小姐一齊到工聯會, 化身「美女廚神」煮 "法國龍蝦湯" 及 "煎西冷牛扒配黑醋汁及薯菜"。









此乃我的製成品, 完成課堂後, 我將製成品用膠盒裝好, 與阿 Be 一齊分享, 佢 "勁" 鍾意那個香濃的 龍蝦湯, 而 煎牛扒佢亦覺得唔錯, 因為雖然是翻叮 (課堂後大約兩小時才吃), 但那牛扒切落去依然有肉汁滲出, 而且香軟,牛味十足。

雖然今次的烹飪水準唔錯, 但我諗再整西餐的機會不大, 因為：
一來因為西餐烹調需要好多香料 (但平日卻很少用得著),
二來是因為眼見用大量油、牛油、茄羔去爆香食物 (都幾肥膩, 已經 "略脹" 的身形恐怕變 "脤爆"),
三來煮一味餸菜卻需用上十多項工序 (太煩複, 用的器皿亦太多, 太花時間),
四來是因為用料太貴 (課堂上用的急凍印度洋龍蝦大約 $100 / 隻, 還未計算其他配料, 如：花蟹、蝦殼等等)。