圖中銀色的魚就係"兇手"啦, 佢名叫 「長箭」, 賣魚店的人話佢品性馴良, 唔會同其他魚有紛爭, 結果買返去的第一晚, 佢就 "吞食" 左一條 "紫紅斑馬魚" 和襲擊其他生還的魚, 狀是 "恐怖"。
由於該魚都唔平 $48/條, 而阿 Be又勁鍾意, 話佢好 <型>, 最終唯有將僅餘的 "死剩種" 交託 Ching Yi Ma 收養。 及後我地買左一對 "招財麗麗" (圖中紅色的), 貪佢的身形比較大, 故諗住長箭不能食佢, 最後招財麗麗都敵不過長箭的襲擊, 在重傷中逝世。
E 隻 "恐怖份子" 最得人驚之處係 ── 佢唔食 "粒狀的魚糧", 唔係好食 "紅蟲", 但最愛食 "活生生的魚仔", 佢會用長咀夾住 fing 兩下, 令獵物受傷, 再張大口去 "生吞" 獵物 (就像蛇一般覓食), 好殘忍哩! 故每次當我要去買 "餵食魚仔" 比佢時, 我也心感內疚, 感覺自己好似劊子手般, 阿彌陀佛!!!
現唯有希望 「長箭」早日魂歸天國, 等魚缸從此 "天下太平", 可以有多 D 魚一齊優哉游哉的游來游去, 恢復生氣, 殲滅殺氣, 因為 "和氣" 方能 "生財"!!
沒有留言:
發佈留言