母親節

母親的活動總離不開 「飲茶、送花、食飯、送禮物等等」, 或多或少, 總涉及金錢在內。

而最近一位朋友 (有五歲兒子) 對我講：可能阿仔學校有教過, 有一日婆婆 (朋友的媽咪) 問阿仔: 母親節快到了, 你對媽咪 (朋友) 有什麼表示呀? 兒子：我會同媽咪講 「我好愛佢, 我會乖, 會聽話, 讀好 d 書 同埋 錫晒佢」 朋友話雖然明知阿仔的承諾未必全部兌現, 但至少果一刻真係好心甜 (好冧)。

我都認為對待親人 (包括母親), 都應該以 「心意」行先, 因為父母比我地的儲蓄多 (佢地根本有 "能力" 去買想要的物質), 而且慣於慳儉 (覺得唔值得花貴重的金錢去買那佢想擁有的東西)。 故此在金錢上太過花費, 他們會覺得肉痛 (收了貴重禮物但唔捨得用), 而且我地亦未必完全明白佢地的所需 / 佢地的品味。(買左一份佢地唔合用的禮物)

原來天下間的母親只要子女孝順, 肯用心思氹一下自己 和 抽時間陪自己已經足夠了。母親真的 "很偉大" 啊!