回憶 - 零食篇

某日同朋友 (差不多年紀) 傾談間, 講起兒時的零食, 在此又講少少, 睇o下大家記得幾多：

1) 旋風可樂糖 (有獨立一粒粒的包裝, 又或者鍚紙袋包裝), 果陣賣緊 $0.1 / 粒, 是受歡迎零食之一
2) 雞蛋糖 (七彩繽紛的雞蛋糖, 要食好耐才食完, 最啱上堂偷食, 不過我未試過), 約 $0.5 / 包
3) 木瓜絲 (味道酸酸的, 夏天食可以解渴醒胃)
4) 可樂孖條 (兒時好經典的食品, 通常兩個細路一人分一半來吃, 倍覺滋味)
5) 甄沾記雪糕三文治 (哈哈, 兒時至愛食佢, 成日食到變 "污咀狗", 因為朱古力雪糕融到一口都係)
6) 乖乖 (果陣其實貪佢有得食, 又有得玩, 買左一包就好滿足架啦)
7) 附 "印水紙" 的吹波糖 (唔記得牌子, 只記得成日用 "印水紙"印到一手都係公仔, 被媽媽責備)
8) 爆炸糖 (一放入口, "霹靂拍勒" 的響, 糖在舌上不停的跳, 感覺得意)
9) 四洲紫菜 (又係小學小息的熱門零食, 試過賣 $0.3 /包)
10) 奶咀糖 (又係戒指糖, 要食 1 小時以上的糖, 有時食唔晒, 會包好放冰箱, 第日取出再食)

今次講住o甘多先, 下次再續。