男友/老公/情人 應具備的五大條件

今日o係網上睇到一篇幾有趣的文章, 就是男友/老公/情人 應具備的五大條件, 包括： (以下的條件是在 此 內轉貼出來的, 橙色字是本人的見解)

理想男人的五大條件: 1. 有錢 [不用太多...夠就可以啦........要給女人有安全感.....不需憂柴憂米... 不要女人開口伸手要錢.........戶口要有按不完的錢........女人可以選擇工作, 可以做她想做的事........讀書,做義工.......給她選擇, 有樓(供完) >三萬, 冇樓>四萬 ] (不能說女人是虛榮, 因為’錢”確實能令人有安全感, 而且自古有云: 貧賤夫妻百事哀, 一但有了足以應付生活的錢, 人就可以隨心去選擇自己喜歡的生活, 所以無論男與女, 都會喜歡有錢而衍生出來的自由 – 選擇權, 故此能給予自己喜愛的女人有 “選擇權” 的男人較為吃香。)

2. 有時間 [男人把所有時間放左工作........有老公=沒老公,有男友=冇男友, 男人要懂得分配時間, 做幾份工來換錢是沒有意思的............. 女人成日話不要男人太多時間陪自已.......是假的.........., 女人不喜歡太規律的生活.....星期三睇戲, 星期五食飯之類...] (有時侯女人真係一樣幾麻煩又矛盾的動物, 既想男的有錢, 亦想佢有時間陪自己喎! 雖然天下的女生皆如此 (我自己都係), 但男士就是喜歡她們在扭拎中的 “旖旎、嬌o爹”, 覺得她們剎是可愛。)

3. 有情趣 [有時間陪都未夠........每晚只留在家看電視........沒有情趣男人要多動腦筋.....搞搞新意思........一齊做些新奇有趣的事.......如旅行三個月一小行, 一年一大行.....要留多點回憶........仲要係美好的回憶住酒店要住五星以上........錢是搵來洗.........] (這個條件在女性眼中是十分重要的, 即使是普通朋友, 你也會選擇和 “志同道合” 的人結交成朋友, 所以如果男友/ 老公與自己有共同興趣、目標, 在互相扶持的努力下, 彼此的感情一定會每日増長。 再者, 在每一段關係中, 總有其高低潮, 如果我們不做一些 “情趣” 事去激起對方的熱情 (如送贈小禮物), 去提醒對方在自己心目中何等的重要, 相信伴侶會覺得你已不像當初的在乎佢, 關係亦變得冷淡, 亦容易因小問題而爭嗌。)

4. 有朋友 [人大了,朋友就越來越少.....好多時都太自我為中心, 很少聽朋友的意見, 加上認為自己萬能........要在女人心目中是萬能,黃大仙.....所以要識些朋友, 以擴闊目光, 再者大家都要有私人空間.......沒有朋友的男人會睇得太緊.......事事過敏, 多些共同的朋友.....生活會開心一點] (是的, 無論男或女, 有自己的空間、朋友, 目光才得以擴闊, 人亦變得開朗, 脾氣自然好一點, 面對自己的伴侶耐性和包容亦會多一點。)

5. 有性能力 [一齊有很多時間在床上.......男人要多多學習.........點樣才能令對方開心滿足, 不要太自私.......要多點溝通........要坦白講出自己的要求........ 三級野.......大家心照.......哈哈] (um….. 這個ma, 怪尷尬的, 只好說這個要求 “因人而異” 啦!)

如果要我選擇次序的話, 我會安排 3, 2, 1, 4, 5

不過我會加上以下的條件
6. “有頭腦 / 有遠見 / 思想成熟”, 因為同年紀的男女性, 心智上一般都是女性較男性成熟, 故此思想上存有一定的差異, 往往因此產生不同的價值觀而磨擦, 有損感情
7. “有擔戴 / 有責任感 / 有風度”, 即是遇上問題會去面對, 而不是選擇逃避。尤其是女方遇上問題時, 他可以馬上幫到忙, 又或是心靈上安慰你, 而不是視而不見, 又或者在旁恥笑。

最後的選擇次序是 6, 7, 3, 2, 1, 4, 5, 你的選擇又會係點呢? 唔知道男士心目中的理想老婆/ 女友的條件是什麼? 不過我覺得 “溫柔” 一定入選。