重慶內的「新德里」

新德里為於印度, 我地一伙人有幸去位於尖沙咀重庱大廈的「新德里」尋找印度美食, yeah!!!

早已在 「開飯網」搜尋資料 及 訂位, 奈何 7:30pm 到達還要等候 10 分鐘左右才能編排座位, 睇住兩版 A4 紙的餐牌, 內有 號碼、中、英文菜名, 即使你不懂英文, 也可以 "手指指" 及 "講號碼" 點菜, 夠晒方便!

我地點左：

餐廳送的：胡椒餅, 估它唔到 "少少辣", 部份人的卻是 "中辣", 睇你彩數了! 不過唔夠熱!

多款印度薄餅：有芝士、蒜茸、甜椰絲 (餐牌上無的)、薯仔等等, 印象比較深刻的：薯仔, 因為上、下有薄餅夾住 "薯仔餡", 有口感!

咖喱類：咖哩羊、咖哩雞、咖哩雜菜, 咖哩羊的咖哩汁有點淡, 羊卻又嫩又 "唔酥", 唔似食緊羊, 咖哩雞的咖哩汁帶 "濃郁的香草味", 好惹味, 送飯一流!  咖哩雜菜 "估它唔到" 都幾辣!

其他小食：洋蔥圈、特式烤雞 (1碟5件)、特式炒飯、鑊仔蕃茄芝士、特式薯仔、白飯：洋蔥圈炸得唔油膩, 不過洋蔥圈唔濃。特式烤雞好好味, 必食! (要落埋檸檬汁及食埋伴菜喎!)。特式炒飯唔油膩 但 唔特別。鑊仔蕃茄芝士 (唔辣) 及 特式薯仔 (少辣) 幾特別, 可以一試!

飲品：芒果乳酪、芒果汁、玫瑰梳打、印度啤酒

一伙人食到 "漏左", 果然係 "眼闊肚窄", 是晚消費 $873, 每人不用 $100 便可試勻以上各款美食, 都幾抵食, 不過就要預左「每款美食都係 "碟頭細細"」。地方坐得頗舒適, 晚飯後坐低 "吹水" 至 10 點幾 都無 "趕你走!  由於係公眾假期前夕, 食客較多, 侍應比較忙, 有 "漏單" 情況, 要留意啊! (埋單時要 check 單)

對比起來, 上次去重慶大廈內的 「7E 咖哩王」好似好味 D, 但坐得無o甘舒服。