「香港佛教學院」：它算是一個初階 (入門)的「佛學」課程, 內容包括：佛法概論、印度佛教歷史、文獻學、名相學、學佛行儀、八宗綱要、人間佛教思想、經典導讀、梵唄教唱、禪修指導、人間音緣、插花藝術、素食烹飪、書法研習 及 讀書會。
我係一個「幾怕悶」的人, 雖然對「佛學」有興趣, 不過又有 D 怕太沉悶, 所以這一個綜合課程, 有歷史、有頌經、有哲學、又有興趣班, 好似幾多元化喎!
以後逢星期六傍晚 至 星期日晚 我都要返學啦! 而且 "仲會失去聯絡添" (熄電話)。田園歸隱的靜修生活, 可以令我坦然的面對自己感受, 和內心多多溝通, 再加上「佛學道理」的支持, 希望在個人修為上 (無論思想、心靈 和 心胸上), 有一點得著啦! 亦希望令自己的內心不再感到飄泊、徬徨 和 不安, 得到憩息安靜。
「佛學課程」的招生過程十分嚴謹, 首先填寫 及 遞交表格, 還要附上學歷証明、身份証影印本, 五百字自傳文章, 亦需要通過面試, 才決定取錄於否。
最後在 9 月 16 日接到取錄通知, 9 月 25 日要先到道場辦理註冊 及 交學費手續, 然後聽師傅講解學校規矩 及 課程流程。 9 月 28 日正式舉行「開學禮」及派發校服, 10 月 2 日的週末開始就正式上課了!
好期待「增進大智慧、畢生受用」啊!
沒有留言:
發佈留言