荃灣 「好景」 的地方

邊度有「好景」呀? 

一般來講, 「好景」都係形容邊度有好前景、著數, 但係 E 篇文章「好景」的意思, 係指「好風景」。

友人話網友介紹荃灣熊貓酒店 (悅來酒店) 30 樓的「殷悅」中菜廳, 可以睇住個靚景來食o野, 物有所值喎!  結果等我地提早 book 位去試菜。 翌日前去, 該處地方倘大, 桌與桌之間的空位充裕, 服務質素 OK, 不過個 "景" 呢.....就遠比想像中差得多了, 只是 "新、舊樓景" + "工廠大廈景", 有點失望。

菜式方面, 有一點 "名過其實", 收費卻唔便宜啊!  這一餐茶點了 4 個點心, 總共 220 (已享有信用卡折扣優惠)。

芝士三文魚撻：味道香濃、菜式特別

特級鮮蝦餃：內裏有多隻鮮蝦, 爽口又彈王牙!

杏片蝦仁：此乃網友推介, 蝦仁彈牙但無味, 杏片經油炸後, 十分香口, 搶晒蝦仁味, 略嫌熱氣 及 油膩 (油炸後未 "掠乾" 油便上桌, 入口成口油)

璧綠龍躉玉甫：節瓜夠翠綠而且少少爽口 (不會蒸得過林 及 黃), 內裏真有龍躉肉架, 好鮮甜, 不過貴 D D 囉!

試o下無妨, 不過無下次。如果o甘的價錢, 我寧可幫襯沙田帝都酒店的中菜廳了, 環境、服務、食物質素都更勝一籌。