多計的爸爸

某日媽媽在外帶了一本 "教人摺紙" 的小冊子, 放在家中擺報紙雜誌的地方。由於最近專注溫習, 迫使自己 "固意忽略" 那處地方, 怕自己受不住 "引誘" 攞起 "八卦雜誌" 睇而荒廢學業。

晚飯時

爸爸：咦.......何解屋企多左一本 "摺紙" 書的?
媽媽：係呀, 上次同 KK 逛街時, 別人隨街派的, 咪攞左一本返來睇O下囉!
我：係咩? O甘得意, 攞黎睇O下

看後

我：唓!!! D 摺紙公仔都唔係好靚啫, 同埋佢地 (書的始創者) 似乎在賣廣告多一點, 作品好似好難摺, D 顏色又 "齋"
媽媽：係呀, 唔係太靚!

當晚睡前

爸爸：放在電腦旁的計數機去左邊?
我：唔知喎, 你要用嗎? 不如用住我 E 部先啦! (從房中取出計數機)

翌日早上

一起床, 便發現家中餐桌上放有那本 "摺紙" 的書, 書上還有 "一隻用雜誌紙摺的馬", 不用問都知道是「誰的傑作」了!  (媽媽一向習慣 "早睡早起")

估唔到爸爸睇完果本摺紙書, 竟有摺紙的興致來喎, 面對住複雜的摺紙設計 (無文字註解, 只有圖), 也能整得有聲有色, 果然多計, 勁!!!   也許當晚借用計數機就是用來 "計算紙的尺寸" 啊!

睇唔出 "雜誌紙" 雖然 "唔太厚", 但係摺出來的馬仔, 都可以 "自行企定定" 架。我覺得它比原創的 "淨色馬" 仲靚 D 添! (完成圖在右上角)