不知點算好

雖然人大左, 成熟了, 學懂要「正面思考、樂觀面對、凡事總有解決的方法, 不用急、不用亂、也不用發脾氣」。 不過做人的道理, 往往總是......"知易" 而 "行難"。

就好似：

身為父母的, 明知 "孩子" 不是自己的附屬品, 佢是一個有血有肉、有自己思想性格的獨立個體, 但年幼的佢又怎懂得照顧自己呢?  你總得在旁細心照料佢, 有時候, 難免會 "逆佢意" 同佢有小鬥爭 (就如明知佢咳, 你阻止佢吃甜食, 佢會不依你, 甚至扭計發難)

轉個角度, 作為子女的你, 明知要孝順 及 尊敬父母, 不過若你明知佢地正 "受苦" 而又 幫不上忙, 苦苦勸戒佢地又唔聽 (就如：大病了一個星期, 也不願去睇醫生, 別人勸佢亦唔領情), 你可以點做呢?   只得站在一旁, 眼睜睜的看著而乾著急 (尤如：熱鍋上的螞蟻一樣, 但對情況愛莫能助)

講到底, 以上的情況下, 我地之所以會慌、會亂、會有鬥爭、會著急, 全都因為埋在心底 而又 不便 宣之於口 的「我愛你」吧!  如果我不愛你, 即係代表你在我心中沒有地位, 我何需為你去費神呢, 不是麼?

可能至今你還未成為別人的父母, 但總算成為了別人的孩子, 有時候, 放下身份, 聽一聽旁人 "善意" 的勸告, 接納人家對你的愛惜, 別讓人為你擔心呀!

如果天下間的 "父母"、"子女" 都可以在 "適當的時候" 乖一點, 那就好了, 我便放心了!