意外之長假期

經濟唔好, 接到公司通知, 得到一個意外的長假期, 心情悲喜交集!

悲的係需要用大約兩, 三天的時間去整理情緒, 去哀悼, 埋葬在公司的回憶, 畢竟多年來也付出了不少的血汗和心思, 怎可那麼無情.....說忘記便忘記得一乾二淨呢?

喜的是我一直也埋怨太多事想做, 而時間太少, 而家終於可以編排我的時間表了, 睇o下我想做咩先:

- 去旅行 (短線的, 因為要返學, 好難就時間)
- 做運動 (成日都話放工好累, 週末又要返學)
- 整 "秘密" ("秘密"因天氣太熱的關係, 停工左將近兩個月, 係時間攞出來重整一下了)
- 大執拾 (我的 "狗窩" 房間實在太亂啦, 要好好執拾, 不過等我懶多兩日先做) :P
- 接姪仔放學 (自佢返學後, 我一直有此想法, 終於有機會了)
- 好好調理身體 及 勤做護膚 (去除工作疲累的 "衰樣", 執靚自己, 再向前衝)
- 有多 d 時間陪父母 (好好督促佢地要準時用餐 及 運動)

其實離開 "高壓" 的工作環境, 待我而言, 真是一種 "解脫", 而且在新的機遇當中, 說不定會碰上更好的呢?