石火燒

某天放工約了友人去尖沙咀「石火燒」處晚飯, 那處係專門食日本美食的, 有刺身、串燒、石光燒、飯麵及飲酒等等。

由於我地唔太肚餓, 只旨在食少少野, 傾o下計, 結果點左:

1) 煙肉香蕉 ($18): 那處的特色推介, 美味的煙肉包住又香又軟又熱辣的香蕉, 口感複雜, 好美味啊! 日後自己 BBQ 時都可以試一下啊!
2) 牛脷 (25): 特色推介, 睇落似 "鵝肝", 口感好爽, 超美味!

3) 煙肉廣島蠔卷 ($23): 廣島蠔既細隻又腥, 好失望!

4) 太子貝 ($15): 好似燒帶子o甘, 唔特別!

5) 墨魚 ($15): 味道一般, 唔特別!

6) 秋葵 ($10): 用火燒秋葵, 又幾好味喎!

7) 牡丹蝦刺身 (蝦頭另炸) ($45 + $5): 牡丹蝦刺身肉質好彈牙, 價錢略貴, 炸蝦頭香口美味!

8) 石火燒羊鞍 ($78 / 2件): 肉質幾嫩滑, 肉汁又豐富, 而且醃得羊肉一 D 都唔酥。

9) 枝豆 ($25): 味道一般, 唔特別!

10) 雞軟骨: 味道一般, 唔特別!

11) 煙肉露荀: 味道幾特別, 值得一試!

12) 茄子: 味道一般, 唔特別!

連飲品及加一共 $500 幾蚊。店內油煙頗大, 客人 Order 多時都好澀眼, 而且味精頗多, 食完都幾口渴。