素食一家

原本打算和友人到太子始創商場內的「大自然素食」晚餐, 只可惜人太多、要等位, 結果我地改去左旺角水務署斜對面的「素食一家」, 打開餐牌睇, 咦..........款款都唔錯, 攪到心大心細添, 結果隨意點了一客二人餐 $98。

二人餐包括:

南瓜海皇翅 (好香南瓜味, 素翅做得幾真, 唔錯)

煙薰鴨胸 (有一陣煙薰午餐肉味, 有咬口)

鮑魚扒時蔬 (素鮑片麻麻地, 生菜 ok, 不過略嫌 "芡汁" 太杰)

菠蘿咕嚕肉 (味道酸甜剛好, 嗅覺上醋味大左少少, 咕嚕肉好咬口)

炒飯 (都幾足料架, 又有生菜絲, 幾飽!!)

最後埋單 $126 (計埋茶芥及加一), 都好好味啊! 睇來我的 "想食牛扒" 的心, 要暫時 hold 住先, 等適當的時機才可實現。