君 甜蜜蜜新生咖啡店

一伙人食完 7 E 咖哩王意猶未盡, 一於轉轉場地去食甜品吹o下水先, 同事又介紹了位於尖東火車站附近的 《君 甜蜜蜜新生咖啡店》, 原來此店係紀念 "鄧麗君" 而開的, 內裏有不少紀念品供客人購買, 而且係 "自助" 形式, 令人坐得舒服, 傾計傾得開心, 一D 都唔焗促呀!

結果我地無食甜品, 只係飲左熱花茶 (包括: 洋甘菊、香茅、洛神花、薰衣草), 都只係 $20 一壺 就可以安坐的吹水, 確係唔錯喎, 店員態度又十分親切殷勤!