過山車的心情

上次講到由於攜程網出錯, 我地的復活節海南島之旅 "泡湯" 了, 幾個朋友都感到失落, 有的盡力去揾 "其他旅遊套票" (代替品 - 同樣目的地 又或者 別的地方), 有的卻在計劃如要 "被迫留港" 的復活節節目。

結果.............皇天不負有心人, 最終朋友又託了國內朋友代買套票, 目的地依然係海南島, 價錢比起舊旅程貴 RMB100 幾左右 (攜程網的旅費賠償, 剛好用得著), 機場由 "深圳" 變成 "廣州", 航班由 "早機去晚機返" 變成了 "中午去中午返", 而酒店也由 "五星級" 變成了 "四星級"。

再次起行在望, 不禁令大家的心情又高漲起來, 但係我始終 "唔敢太開心" 呀, 因為怕............好似上次o甘會失望

這次復活節旅行的安排, 令我心情尤如乘坐 "過山車" 一樣啊! 就好似剛發生了一件事, 還未及反應之時, 立即又發生另一件事了, 思緒同情緒都好混亂呀!